IIV JXD YHXX rahbariyati Andijon viloyatida harakat xavfsizligini ta’minlash yo‘nalishida amalga oshirilayotgan ishlar yuzasidan o‘rganishlar olib bordi
Tadbirlar davomida Andijon viloyati IIB JXX YHXB faoliyati, xodimlar uchun yaratilgan shart-sharoitlar hamda yo‘l harakati xavfsizligini ta’minlash borasida olib borilayotgan ishlar o‘rganilib, xizmat samaradorligini oshirish maqsadida mas’ullarga tegishli ko‘rsatmalar berildi.
Shuningdek, Shahrixon tumani IIB JXX Yo‘l harakati xavfsizligi bo‘linmasi hamda 5-tumanlararo Ro‘yxatdan o‘tkazish va imtihon olish bo‘limi ma’muriy binosidagi sharoitlar ko‘zdan kechirilib, fuqarolarga ko‘rsatilayotgan xizmatlar sifatiga alohida e’tibor qaratildi.
Tashrif doirasida tumanda sodir etilgan yo‘l-transport hodisalari tahlil qilinib, ularning kelib chiqish sabablari muhokama etildi. YTHlarning oldini olish, harakat ishtirokchilari o‘rtasida intizomni mustahkamlash va profilaktik tadbirlarni kuchaytirish bo‘yicha kelgusi vazifalar belgilab olindi.
Shu bilan birga, tumanda IIV JXD YHXX rahbarining sayyor qabuli ham o‘tkazildi. Qabul davomida fuqarolarning yo‘l harakati xavfsizligini ta’minlash va harakatni tashkil etishga oid bir qancha murojaat hamda takliflari tinglandi. Murojaatlarning ko‘plari joyida ijobiy hal etilib, ayrim murojaatlar bo‘yicha mas’ullarga topshiriqlar berildi va ijrosi nazoratga olindi.
Bundan tashqari, Oltinko‘l tumanidagi “Qumbozor” chorrahasida harakat xavfsizligini ta’minlash va tirbandliklarning oldini olish maqsadida amalga oshirilayotgan ishlar bilan tanishildi.