FVV xabariga koʻra, 2022-yil 5-yanvar kuni soat 13:52da Jizzax viloyati FVBga kelib tushgan xabarga koʻra, Doʻstlik tumani hududidan oʻtgan M-39 avtomobil yoʻlining 942-kilometrida yuk avtomobili bilan toʻqnashuv oqibatida “Nexia” avtomobili beton toʻsiqqa urilgan va yongʻin yuzaga kelgan.

Yongʻin oʻt oʻchiruvchilar tomonidan bartaraf etilgan. Hodisa natijasida tan jarohati olgan fuqarolar yoʻq.

Mazkur holat yuzasidan tuman FVB va YHXB xodimlari tomonidan surishtiruv olib borilmoqda.

Barcha haydovchilardan qoidalarga rioya qilishlarini soʻraymiz.