Dastlabki maʼlumotlarga koʻra, bugun, 2022-yil 14-noyabr kuni soat 21:10 larda Toshkent shahar, A.Temur koʻchasi, TATU universiteti qarshisida:
1) haydovchi, 2000-yilda tugʻilgan A.K. boshqaruvidagi “Lada Vesta” rusumli;
2) haydovchi, 1993-yilda tugʻilgan L.M. boshqaruvidagi “Equinox” rusumli;
3) haydovchi, 1998-yilda tugʻilgan A.A. boshqaruvidagi “Mercedes-Benz” rusumli;
4) yoʻl chetida toʻxtab turgan “Nexia” rusumli (haydovchining shaxsiga aniqlik kiritilmoqda) avtomobillari ishtirokida toʻqnashuv sodir boʻlgan va “Equinox” avtomobili agʻdarilgan.

Hodisa natijasida “Equinox” rusumli avtomobil haydovchisiga birinchi tez tibbiy yordam koʻrsatilgan.

Mazkur YTH yuzasidan Toshkent shahar IIBB JXX YHXB xodimlari tomonidan surishtiruv harakatlari olib borilmoqda.

Barcha haydovchilardan belgilangan qoidalarga amal qilishlarini soʻraymiz.