Dastlabki maʼlumotlarga koʻra, bugun, 2022-yil 2-aprel kuni soat 13:05 larda Namangan viloyati, Chortoq tumani, Namangan MFY, Namangan koʻchasida joylashgan avtomobillarni taʼmirlash ustaxonasida toʻxtab turgan “VOLVO” rusumli yuk avtomobilida yongʻin yuzaga kelgan.

Hodisa joyiga zudlik bilan oʻt oʻchiruvchilar yetib kelgan va yongʻin bartaraf etilgan. Yongʻin natijasida yuk avtomobili haydovchisi va ustaxona ishchisi kuyish tan jarohatlari olgan. Avtomobilga zarar yetgan.

Ushbu yongʻin yuzasidan Chortoq tumani FVB va IIB xodimlari tomonidan surishtiruv olib borilib, yongʻin yuzaga kelishi sabablari oʻrganilmoqda.