Dastlabki maʼlumotlarga koʻra, 2022-yil 7-fevral kuni soat 13:30 larda Qashqadaryo viloyati, Chiroqchi tumani, “Shoʻrquduq” MFY, “Torjilgʻa” qishlogʻi hududidan oʻtgan “Samarqand-Gʻuzor” avtomobil yoʻlida joylashgan gaz toʻldirish shoxobchasida haydovchi gaz toʻldirish vaqtida xavfsizlik qoidalariga rioya qilmasdan (ulagich uzilmasdan), “Kamaz-53212” rusumli yuk avtomobilini harakatga keltirganligi oqibatida avtomobilda yongʻin yuzaga kelgan. Yongʻin oʻt oʻchiruvchilar tomonidan bartaraf etilgan.

Hodisa natijasida tan jarohati olgan fuqarolar yoʻq.

Hozirda tuman FVB va YHXB xodimlari tomonidan surishtiruv olib borilmoqda.

Barcha haydovchilardan gaz toʻldirish shaxobchalarida barcha xavfsizlik qoidalariga toʻliq rioya qilishlarini soʻraymiz.