2022-yil 27-may kuni soat 16:20 larda, Ellikqalʼa tumani, Qilchinoq OFY hududidan oʻtuvchi A-380 avtomobil yoʻlining 615-kilometrida, 1980-yilda tugʻilgan haydovchi M.N. qoidalarni qoʻpol tarzda buzgan holda, “Lacetti” rusumli avtomobilni mast holda boshqarib, qarama-qarshi harakatlanish uchun moʻljallangan tomonga chiqib, roʻparasidan, oʻz yoʻlida kelayotgan haydovchi, 1986-yilda tugʻilgan J.I. boshqaruvidagi “Labo” rusumli avtomobil bilan toʻqnashuv sodir etgan. Zarb oqibatida “Labo” avtomobili agʻdarilgan.

YTH natijasida tan jarohati olgan fuqarolar yoʻq.

Mazkur YTH yuzasidan tuman IIB YHXB xodimlari tomonidan haydovchi M.N. mast holda avtomobil boshqarganligi belgilangan tartibda rasmiylashtirilib, surishtiruv harakatlari olib borilmoqda.

Barcha haydovchilardan mast holda transport boshqarmasliklarini va yoʻllarda belgilangan qoidalarga rioya qilishlarini soʻraymiz.