Dastlabki maʼlumotlarga koʻra, bugun, 2022-yil 28-yanvar kuni soat 20:00 larda, Guliston tumani, “Mevazor” MFY hududida joylashgan gaz toʻldirish shaxobchasida, haydovchi, 1980-yilda tugʻilgan J.X. gaz toʻldirish vaqtida xavfsizlik qoidalariga rioya qilmasdan (ulagich uzilmasdan), “Zil MMZ-554” rusumli yuk avtomobilini harakatga keltirganligi oqibatida avtomobilda yongʻin yuzaga kelgan. Yongʻin oʻt oʻchiruvchilar tomonidan bartaraf etilgan.

Hodisa natijasida tan jarohati olgan fuqarolar yoʻq.

Hozirda tuman FVB va YHXB xodimlari tomonidan surishtiruv olib borilmoqda.

Barcha haydovchilardan gaz toʻldirish shaxobchalarida barcha xavfsizlik qoidalariga toʻliq rioya qilishlarini soʻraymiz.