Ijtimoiy tarmoqda tarqalgan, Mirobod tumanida "Matiz" haydovchisi piyodalarni urib yuborganligi bo‘yicha ma’lumot
Joriy yilning 15-oktabr kuni soat 21:23 larda Toshkent shahar, Mirobod tumani, Yangi Qo‘yliq ko‘chasi "Afsona" binosi qarshisida haydovchi, 1983-yilda tug‘ilgan J.M. "Matiz" rusumli avtomobilni boshqarayotib, rul boshqaruvini yo‘qotishi oqibatida yo‘l chetida turgan piyodalarni urib yuborib, ag‘darilib ketgan.
Hodisa natijasida uch nafar piyoda tan jarohatlari bilan shifoxonaga yotqizilgan. Yo‘l chetida turgan avtomobillarga ham zarar yetgan.
Mazkur YTH yuzasidan Toshkent shahar IIBB YHXB tomonidan surishtiruv harakatlari olib borilmoqda.
Barcha haydovchilardan belgilangan qoidalarga amal qilishlarini so‘rab qolamiz.