2022-yil 5-yanvar kuni soat 13:30 larda, Sirdaryo viloyati, Mirzaobod tumani hududidan oʻtuvchi 4P-18A avtomobil yoʻlida, “Gagarin-Guliston” yoʻnalishida haydovchi D.K. “Isuzu” rusumli avtobusni boshqarayotib ehtiyotsizligi oqibatida yoʻlning oʻng chetida toʻxtab turgan “Damas” rusumli avtomobilning orqa tomoniga toʻqnashgan.

Toʻqnashuv natijasida, avtobus haydovchisi D.K va 5 nafar yoʻlovchilari hamda “Damas” rusumli avtomobil haydovchisi K.K. va yoʻlovchisi Z.Ch. larga birinchi tez tibbiy yordam koʻrsatilgan.

Mazkur YTH yuzasidan Mirzaobod tumani IIB YHXB xodimlari tomonidan surishtiruv olib borilmoqda.

Barcha haydovchilardan yoʻllarda eʼtiborli boʻlib, qoidalarga rioya qilishlarini soʻraymiz.