Dastlabki maʼlumotlarga koʻra, joriy yilning 5-yanvar kuni soat 13:00 larda, Toshkent shahar, Olmazor tumani hududida joylashgan “Olmazor” toʻyxonasi roʻparasida haydovchi, 1981-yilda tugʻilgan R.I. boshqaruvidagi “Orlando” rusumli hamda haydovchi, 2002-yilda tugʻilgan A.X. boshqaruvidagi “Lacetti” rusumli avtomobillar ishtirokida toʻqnashuv sodir boʻlgan.

Hodisa natijasida tan jarohati olgan fuqarolar yoʻq.

Mazkur YTH yuzasidan Toshkent shahar IIBB YHXB xodimlari tomonidan surishtiruv olib borilmoqda.

Barcha haydovchilardan qoidalarga amal qilishlarini soʻraymiz.