Dastlabki ma’lumotlarga ko‘ra, 2021-yil 15-dekabr kuni soat 16:00 larda, Toshkent viloyati, Parkent tumani hududidan o‘tgan 4R-15 "Qiziltog‘-Parkent-Yangibozor" avtomobil yo‘lining 56-kilometrida haydovchi, 1998-yilda tug‘ilgan J.N. "Howo" rusumli yuk avtomobilida harakatlanayotib burilishda boshqaruvni yo‘qotgan va transport vositasi ag‘darilgan. Ag‘darilishi jarayonida yo‘l chetida to‘xtab turgan "Lacetti" va "Spark" rusumli avtomobillarga texnik shikast yetgan (avtomobil salonida fuqarolar bo‘lmagan).

YTH natijasida haydovchiga birinchi tez tibbiy yordam ko‘rsatilgan.

Mazkur YTH yuzasidan Parkent tumani IIB YHXB xodimlari tomonidan surishtiruv olib borilmoqda.

Barcha haydovchilardan yo‘llarda ehtiyotkor bo‘lib, qoidalarga rioya qilishlarini so‘raymiz.