Joriy yilning 29-sentabr kuni soat 22:45 larda, Qashqadaryo viloyati, Shahrisabz tumani hududidan o‘tgan M-39 avtomobil yo‘lining 1176-kilometrida haydovchi, 1999-yilda tug‘ilgan O. Q. "Damas" rusumli avtomobilda harakatlanib ketayotgan vaqtda transport vositasida qisqa tutashuv va uning ortidan yong‘in yuzaga kelgan.

Haydovchi to‘xtagan va o‘zi zudlik bilan avtomobildan tushgan.

Yong‘in o‘t o‘chiruvchilar tomonidan o‘chirilgan. Hodisa natijasida tan jarohati olganlar yo‘q.

Mazkur holat yuzasidan Shahrisabz tuman FVB va YHXB xodimlari tomonidan surishtiruv olib borilmoqda.

Barcha haydovchilardan boshqaruvidagi transport vositasining texnik sozligiga e’tiborli bo‘lishlarini so‘raymiz.