Dastlabki maʼlumotlarga koʻra, 2022-yil 3-yanvar kuni soat 14:20 larda Buxoro viloyati, Vobkent tumani hududidan oʻtuvchi M-37 avtomobil yoʻlining 241-kilometrida haydovchi, 1986-yilda tugʻilgan A.R. boshqaruvidagi “Hyundai-Porter” rusumli yuk avtomobilining salon qismida yongʻin yuzaga kelgan (harakat vaqtida). Haydovchi transport vositasini zudlik bilan toʻxtatgan. Yongʻin oʻt uchiruvchilar tomonidan bartaraf etilgan.

Hodisa natijasida tan jarohati olgan fuqarolar yoʻq. Transport vositasiga zarar yetgan.

Mazkur hodisa yuzasidan Vobkent tumani FVB va YHXB xodimlari tomonidan surishtiruv harakatlari olib borilmoqda.

Barcha haydovchilardan boshqaruvidagi transport vositasining texnik sozligiga eʼtiborli boʻlishlarini soʻraymiz.