Dastlabki maʼlumotlarga koʻra, bugun, 2022-yil 3-aprel kuni soat 13:00 larda, Toshkent viloyati, Ohangaron tumani hududidan oʻtgan A-373 avtomobil yoʻlida haydovchi, 1979-yilda tugʻilgan M.K. tirkama ulangan “Mercedes-benz” rusumli yuk transport vositasida harakatlanayotib, yoʻlning 197-kilometriga yetgan vaqtda, xavfli burilish joyida boshqaruvni yoʻqotishi oqibatida yuk avtomobili va tirkama agʻdarilgan.

YTH natijasida tan jarohati olgan fuqarolar yoʻq. FVB va YHXB xodimlari tomonidan haydovchiga amaliy yordam koʻrsatilib, YTH oqibatlari bartaraf etilgan.

Ushbu YTH yuzasidan Ohangaron tumani IIB YHXB xodimlari tomonidan surishtiruv olib borilmoqda.

Barcha haydovchilardan yoʻllarda ehtiyotkor boʻlib, qoidalarga rioya qilishlarini soʻraymiz.