Dastlabki maʼlumotlarga koʻra, bugun, 2022-yil 9-aprel kuni soat 12:10 larda, Toshkent viloyati, Angren shahar, Navoiy koʻchasida haydovchi, 1995-yilda tugʻilgan R.S. boshqaruvidagi “Cobalt” rusumli hamda haydovchi, 1993-yilda tugʻilgan X.T. boshqaruvida boʻlgan “Epica” rusumli avtomobillar ishtirokida toʻqnashuv sodir boʻlgan.

Natijada, “Cobalt” avtomobili yoʻlovchisi, 1991-yilda tugʻilgan S.M. hamda “Epica” avtomobilida boʻlgan bir nafar yoʻlovchi shifoxonaga olib ketilgan.

Mazkur YTH yuzasidan Angren shahar IIB JXX YHXB xodimlari tomonidan surishtiruv harakatlari olib borilmoqda.

Barcha haydovchilardan yoʻllarda belgilangan qoidalarga amal qilishlarini soʻraymiz.