Ijtimoiy tarmoqda videosi tarqalgan, Andijon shahrida to‘qnashgan ikki avtobus yuzasidan ma’lumot
2021-yil 10-sentabr kuni soat 15:00 larda, Andijon viloyati, Andijon shahar, Bobur shoh ko‘chasida joylashgan "Mumtoz" savdo majmuasi yaqinida haydovchi A.X. "ZHONGTONG" rusumli avtobusni ortga boshqarayotgan vaqtda orqa tomonda to‘xtab turgan haydovchi N.M. boshqaruvidagi "ISUZU" rusumli avtobusning old tomoniga to‘qnashgan.
Natijada, "ZHONGTONG" rusumli avtobusning orqa oynasi sinib moddiy zarar yetgan. Tan jarohati olgan fuqarolar yo‘q.
Mazkur to‘qnashuv yuzasidan Andijon shahar IIB YHXB xodimlari tomonidan surishtiruv olib borilmoqda.
Barcha haydovchilardan qoidalarga rioya qilishlarini so‘raymiz.