2022-yil 21-noyabr kuni soat 13:00 larda Samarqand viloyati, Kattaqoʻrgʻon tumani “Mullakoʻrpa” MFY hududidan oʻtuvchi ichki yoʻlda haydovchi, 1984-yilda tugʻilgan B.K. yuqori tezlikda “Lada Granta” rusumli avtomobilda harakatlanayotib, oldinda boʻlgan haydovchi, 1978-yilda tugʻilgan M.Gʻ. boshqaruvidagi “Cobalt” rusumli avtomobilning orqa tomoniga qattiq zarb bilan urilgan. Buning natijasida atrofda boʻlgan:
1) haydovchi, 1992-yilda tugʻilgan L.D. boshqaruvidagi “Damas”;
2) haydovchi, 1996-yilda tugʻilgan S.M. boshqaruvidagi “Lacetti”;
3) haydovchi, 1978-yilda tugʻilgan D.S. boshqaruvidagi “Tico” rusumli avtomobillar YTH qatnashchisiga aylangan.

Hodisa natijasida “Damas” avtomobili haydovchisi tan jarohati bilan shifoxonaga olib ketilayotgan vaqtda vafot etgan.

Mazkur YTH yuzasidan Kattaqoʻrgʻon tumani IIB huzuridagi TB tomonidan Oʻzbekiston Respublikasi Jinoyat Kodeksining 266-moddasi 2-qismi bilan jinoyat ishi qoʻzgʻatilib, dastlabki tergov harakatlari olib borilmoqda.

Barcha haydovchilardan belgilangan qoidalarga rioya qilishlarini soʻraymiz.