Dastlabki maʼlumotlarga koʻra, bugun, 2022-yil 23-may kuni soat 12:45 larda, Sirdaryo viloyati, Xovos tumani hududidan oʻtgan A-376 avtomobil yoʻlining 234-kilometrida haydovchi, 1988-yilda tugʻilgan Sh.A. boshqaruvidagi “Lacetti” rusumli hamda haydovchi, 1970-yilda tugʻilgan U.N. boshqaruvidagi “Nexia” rusumli avtomobillar ishtirokida toʻqnashuv sodir boʻlgan.

YTH natijasida, “Lacetti” rusumli avtomobil haydovchisi Sh.A. va ushbu avtomobil salonida boʻlgan yoʻlovchi, 1995-yilda tugʻilgan A.A.lar ogʻir tan jarohati olib voqea joyida, shuningdek, mazkur avtomobil salonida boʻlgan yana ikki nafar yoʻlovchilar: 2016-yilda tugʻilgan N.A. va 2019-yilda tugʻilgan T.A.lar hamda “Nexia” avtomobili haydovchisi N.U. tan jarohati olib shifoxonada vafot etgan. “Nexia” avtomobilida boʻlgan yoʻlovchi, 1992-yilda tugʻilgan T.J. tan jarohati olib shifoxonaga yotqizilgan.

Mazkur YTH yuzasidan Xovos tumani IIB huzuridagi TB tomonidan tergovga qadar surishtiruv harakatlari olib borilmoqda.

Barcha haydovchilardan yoʻllarda ehtiyotkor boʻlishlarini, qoidalarga qatʼiy rioya qilib, oʻzi va atrofdagilar salomatligini xavf ostiga qoʻymasliklarini soʻraymiz.