2023-yil 17-yanvar kuni soat 21:00 larda Jizzax shahar “Mustaqillik shoh” koʻchasida, “ANKAI” rusumli “Jizzax avtotrans servis” MCHJga qarashli yoʻlovchi tashuvchi avtobusni yoʻlovchilarsiz boshqarib ketayotgan haydovchi A. N. harakat davomida charchoq alomati boʻlib, uxlab qolishi oqibatida rul boshqaruvini yoʻqotib “JizzaxPlasTex” korxonasi oldidagi avtomobillarga yoqilgʻi quyish shahobchasida oʻzi bilan bir yoʻnalishda oldinda navbat kutib toʻxtab turgan:

1) haydovchi Q.A.ga tegishli “Damas” rusumli avtomobilning orqa qismiga kelib urilishi natijasida “Damas” avtomobili yoʻlning oʻng tomon chetiga chiqib agʻdarilib ketgan hamda avtobus harkatini davom ettirib:

2) haydovchi T.K.ga tegishli “Nexia-2” rusumli;
3) haydovchi T.U.ga tegishli “Nexia-2” rusumli;
4) haydovchi Z.Sh.ga tegishli “Cobalt” rusumli;
5) haydovchi X.A.ga tegishli “Nexia-3” rusumli;
6) haydovchi U.S.ga tegishli “Nexia-2” rusumli;
7) haydovchi R.I.ga tegishli boʻlgan “Lacetti” rusumli avtomobillarga, jami 7 ta transport vositalariga toʻqnashib YTH sodir etgan.

YTH natijasida “Damas” avtomobili haydovchisi, A.Q.ga birinchi tibbiy yordam koʻrsatilib, ambulator tartibda davolanish uchun yashash manziliga yuborilgan.

Mazkur YTH yuzasidan Jizzax viloyati IIB JXX YHXB xodimlari tomonidan surishtiruv olib borilmoqda.

Barcha haydovchilardan ayni kunlardagi noqulay, anomal sovuq ob-havo sharoitida oʻta ehtiyotkorlik bilan, oraliq masofani saqlab, tezlikni meʼyoridan oshirmasdan harakatlanishlarini soʻraymiz.