2022-yil 5-dekabr kuni soat 20:00 larda Qashqadaryo viloyati, Qarshi shahar, “Nasaf” koʻchasida “Cobalt” rusumli avtomobil haydovchisi piyodalar oʻtish joyidan yoʻlni kesib oʻtayotgan piyodani urib yuborib, voqea joyidan qochib ketgan.

Natijada piyoda tan jarohatlari bilan shifoxonaga yotqizilgan.

Olib borilgan tezkor surishtiruvlar natijasida “Cobalt” avtomobili hamda haydovchisi topildi.

Mazkur YTH yuzasidan haydovchiga nisbatan Oʻzbekiston Respublikasi Jinoyat Kodeksining 266-moddasi 1-qismi va 117-moddasi 1-qismi bilan jinoyat ishi qoʻzgʻatilib, dastlabki tergov harakatlari olib borilmoqda.

Barcha haydovchilardan belgilangan qoidalarga rioya qilishlarini soʻraymiz.