Жорий йилнинг 15 декабрь куни соат 22:30 ларда, Хоразм вилояти Янгиариқ тумани ҳудудидан ўтган “Хонқа-Янгиариқ-Чиқирчи-Хива” автомобиль йўлининг 25-км.да, ҳайдовчи Янгиариқ туманида яшовчи, 1987 йилда туғилган М.М. “КОБАЛЬТ” русумли автомобилини бошқараётиб, шу йўналишда олдинда ҳаракатланиб бораётган, Янгиариқ туманида яшовчи  1976 йилда туғилган, ҳайдовчи С.Н. бошқарувидаги “ТИКО” русумли  автомобилининг орқа томонига урилиб, тўқнашув содир этган.

Натижада, “ТИКО” автомобили йўловчилари Янгиариқ туманида яшаган, 1977 йилда туғилган Ж.Б. ва 1978 йилда туғилган Ю.Д.лар турли даражадаги тан жароҳатлари олиб, касалхонада вафот этган. Шунингдек, “ТИКО” автомобили йўловчилари Янгиариқ тумани яшовчи 1976 йилда туғилган А.Ў. ва 2002 йилда туғилган Р.Ё.лар жароҳатлар билан касалхонага ётқизилган.