Dastlabki maʼlumotlarga koʻra, 2022-yil 16-fevral kuni soat 10:50 larda, Namangan viloyati, Pop tumani hududidan oʻtuvchi A-373 avtomobil yoʻlining 228-kilometrida haydovchi, 1966-yilda tugʻilgan D.I. “DAF” rusumli yuk avtomobilida harakatlanib ketayotgan vaqtda transport vositasining dvigatel qismida qisqa tutashuv va uning ortidan yongʻin yuzaga kelgan. Haydovchi zudlik bilan avtomobilni toʻxtatgan.

Yongʻin oʻt oʻchiruvchilar tomonidan bartaraf etilgan. Hodisa natijasida tan jarohati olgan fuqarolar yoʻq. Avtomobilga zarar yetgan.

Mazkur hodisa yuzasidan voqea joyida FVB va YHXB xodimlari tomonidan surishtiruv olib borilmoqda.

Barcha haydovchilardan boshqaruvidagi transport vositasining texnik sozligiga eʼtiborli boʻlishlarini soʻraymiz.