Bugun, 2022-yil 8-oktabr kuni soat 10:45 larda, Toshkent viloyati hududidan oʻtuvchi A-373 “Toshkent-Oʻsh” avtomobil yoʻlining 198-kilometrida “Mercedes-Benz” rusumli yuk avtomobilida harakatlanayotgan haydovchi boshqaruvni yoʻqotishi oqibatida transport vositasi yoʻlning oʻng tomoniga agʻdarilgan.

Voqea joyiga zudlik bilan YPX hamda FVVning “Qamchiq” qutqaruv guruhi xodimlari yetib kelgan. Haydovchiga birinchi tez tibbiy yordam koʻrsatilib, hodisa oqibatlari bartaraf qilingan.

Hozirda ushbu YTH yuzasidan qoʻshimcha surishtiruv ishlari olib borilmoqda.

Barcha haydovchilardan yoʻllarda ehtiyotkor boʻlishlarini soʻraymiz.