2022-yil 9-aprel kuni soat 15:12 da Qarshi shahridagi “Star Oil” yoqilgʻi quyish shoxobchasi hududida, haydovchi, 1996-yilda tugʻilgan A.X. boshqarib kelgan yoqilgʻi tashuvchi (benzovoz) avtomobilning dvigatel qismida yongʻin yuzaga kelganligi boʻyicha shahar FVBga xabar kelib tushgan.

Oʻt uchiruvchilar voqea joyiga zudlik bilan yetib borgan va yongʻin bartaraf etilgan.

Hodisa natijasida tan jarohati olgan fuqarolar yoʻq. Transport vositasiga zarar yetgan.

Ushbu holat yuzasidan Qarshi shahar FVB xodimlari tomonidan surishtiruv harakatlari olib borilmoqda.