Joriy yilning 10 fevral kuni Internet ijtimoiy tarmog'ining "Sizdan telegram" kanaliga "Qashqadaryoda YPX mashinasi taqiqlangan joyda qoldirildi" sarlavhali fotosurat joylashtirilgan.

2020 yil 05 fevral kuni viloyat IIB YHXB YPXB 2-YPX otryadi YPX inspektorlari I.G'oziev va A.Jo'raev rahbariyat tomonidan belgilangan taqsimot asosida xizmat olib borish uchun Chiroqchi tumani, Chiyal M.F.Y. hududiga xizmatga jalb qilingan.

Ushbu hududda joylashgan "Qoraburuq" qishlog'ida xizmat olib borayotgan vaqtida "Neksiya" rusumli transport vositasi haydovchisi B.E. 3.27 yo'l belgisi ta'sir doirasi oralig'ida avtomashinasini qoldirib o'zi noma'lum tomonga ketgan.

YPX inspektori I.G'oziev "Neksiya" rusumli transport vositasi haydovchisiga nisbatan o'rnatilgan tartibda ma'muriy bayonnoma rasmiylashtirib, avtomashinani jarima maydonchasiga joylashtirish uchun evakuatorga ortayotganda YPX inspektori A.Jo'raevga xizmat yuzasidan biriktirilgan "Lasetti" rusumli 70 426 VSF davlat raqam belgili avtomashina ushbu yo'lning qarama-qarshi tomonida "Qoraburuq" mol bozori hududida turgan.

Noma'lum fuqaro go'yoki YPX xodimlari ham avtomashinalarini taqiqlangan joyda qo'yganliklarini aytib, ushbu fotasur'atni ijtimoiy tarmoqqa joylashtirgan.

Hozirgi vaqtda mazkur holat yuzasidan Qashqadaryo viloyati IIB YHXB mas'ul xodimlari tomonidan xizmat tekshiruvi o'tkazilmoqda.

O'zbekiston Respublikasi IIV YHXBB axborot xizmati