2022-yil 2-fevral kuni soat 03:10 larda, Toshkent viloyati, Qibray tumani, “Chinobod” MFYdagi ochiq maydonda sotish maqsadida har biriga 200 donadan, jami 800 dona somon presslari ortilib, bir-biriga yaqin toʻxtab turgan:
1) 1991-yilda tugʻilgan U.U. ga tegishli boʻlgan “Gaz-53” rusumli;
2) 1991-yilda tugʻilgan N.J. ga tegishli boʻlgan “Gaz-53” rusumli;
3) 1998-yilda tugʻilgan U.U. ga tegishli boʻlgan “Gaz-53” rusumli;
4) 1998-yilda tugʻilgan J.X. ga tegishli boʻlgan “Zil-130” rusumli yuk transport vositalarida yongʻin sodir boʻlgan.

Yongʻin oʻt oʻchiruvchilar tomonidan bartaraf etilgan. Yongʻin natijasida tan jarohati olgan fuqarolar yoʻq. Transport vositalari va ortilgan yuklarga zarar yetgan.

Ushbu hodisa yuzasidan surishtiruv harakatlari olib borilmoqda.