Bugun, 6-noyabr kuni soat 16:00 da Qashqadaryo viloyatining Kitob tumani hududidan oʻtgan M-39 yoʻlining 1138 km.da “Kitob-Samarqand” yoʻnalishida harakatlangan “Cobalt” rusumli avtomobilni togʻ qiyaligidan yogʻingarchilik natijasida namlanish hisobiga nomustahkam xarsangtosh tushib, bosib qolgan.

Hodisa oqibatida avtomobil salonida boʻlgan 3 nafar fuqaro vafot etgan.

Hodisa joyiga FVV qutqaruchilari, YPX, Tez tibbiy yordam hamda boshqa tegishli tashkilotlar xodimlari yetib borib, vaziyat oqibatlarini bartaraf etdi.

“Taxtaqoracha” dovoni transportlar harakati uchun tez orada qayta ochiladi.

Respublikamiz hududlaridagi dovonlar orqali harakatlanuvchi haydovchilardan yogʻingarchilik mavsumidagi vaziyatdan kelib chiqib, ehtiyotkorlik choralarini koʻrishlari, xavfli uchastkalarga transport vositalarini toʻxtatmasligi hamda ogohlantiruvchi va taʼqiqlovchi belgilarga rioya etishlarini soʻraymiz.