Joriy yilning 10-sentabr kuni soat 04:30 larda, Namangan viloyati, Pop tumani hududidan o‘tgan A-373 "Toshkent-O‘sh" avtomobil yo‘lining 250-kilometrida haydovchi, 1979-yilda tug‘ilgan J.A. "Isuzu" rusumli yuk avtomobilida harakatlanayotgan vaqtda transport vositasining tormozi ishlamay qolgan va o‘zidan oldinda bo‘lgan haydovchi, 1978-yilda tug‘ilgan Q.U. boshqaruvidagi "Isuzu" rusumli yuk avtomobilining orqa tomoniga urilgan va qarama-qarshi oqimni ajratib turuvchi to‘siqqa urilib ag‘darilgan.

Natijada, haydovchi J.A. olgan tan jarohatlari bilan shifoxonada vafot etgan.

Mazkur YTH yuzasidan Pop tumani IIB huzuridagi TB tomonidan dastlabki tergovoldi surishtiruv harakatlari olib borilmoqda.

Barcha haydovchilardan boshqaruvidagi transport vositasining texnik sozligiga e’tiborli bo‘lib, qoidalarga rioya qilishlarini so‘raymiz.