FVV xabariga koʻra, bugun, 2022-yil 4-aprel kuni soat 11:22 da Toshkent viloyati, Toshkent tumani FV boʻlimiga “Koʻkterak” mahallasidan oqib oʻtuvchi “Zaxariq” kanaliga haydovchining ehtiyotsizligi sabab “Lacetti” rusumli avtomobil tushib ketganligi haqida xabar kelib tushgan.

Zudlik bilan hodisa joyiga qutqaruvchilar yetib borishgan. Maxsus texnikalar va asbob-anjomlar yordamida avtomobil kanaldan olib chiqilgan.

Ushbu hodisa oqibatida tan jarohati olgan fuqarolar yoʻq.

Barcha haydovchilardan ehtiyotkor boʻlib, xavfsizlik qoidalariga rioya qilishlarini soʻraymiz.