Tekshiruvlar davomida:

- 2022-yil 24-fevral kuni soat 02:45 larda, Bektemir tumanida joylashgan “Sharq” YPX maskanida xizmat olib borayotgan YPX xodimi J.Turaboyev tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1991-yilda tugʻilgan A.M.ning yonidan, sellofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro A.M. va aniqlangan modda Bektemir tumani IIO FMBga topshirilgan.

- 2022-yil 24-fevral kuni soat 16:15 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari N.Doʻsimov va D.Payziyevlar tomonidan, Toshkent viloyatidan poytaxtga kirib kelayotgan “JAG S3” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1990-yilda tugʻilgan M.M.ning yonidan, 1000 soʻmlik pul kupyurasiga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro M.M. va aniqlangan modda Bektemir tumani IIO FMBga topshirilgan.