Haydovchilarni tayyorlash bo‘yicha yangi tizim samara berishni boshlagani ta’kidlandi. Yil boshidan staji kam haydovchilarning qoidabuzarligi 15 foizga, og‘ir avariyalar 30 foizga qisqardi
Lekin piyodalar, ayniqsa yoshlarning madaniyati va yo‘l harakati qoidalari haqidagi bilimlarini oshirish – dolzarb masala.
Mas’ul vazirliklarga yangi o‘quv yiligacha maktab va bog‘chalarda harakat xavfsizligi bo‘yicha dasturlarni tubdan yangilash topshirildi.
Maktab o‘quvchilari va mahalladagi yoshlar o‘rtasida “Yashil chiroq” musobaqalari qayta tiklanib, respublika g‘oliblariga Prezident sovg‘asi beriladi.
Yo‘l harakati qoidalari bo‘yicha sodda video va animasion kontentlar yaratiladi. Mahallada, turli tadbirlarda yo‘l qoidalariga amal qilish bo‘yicha tushuntirish ishlari yo‘lga qo‘yiladi.
Yig‘ilishda hududlar, soha uchun mas’ul vazirlik va idoralar rahbarlarining hisobotlari tinglandi.