Ijtimoiy tarmoqda "Fuqaro va YPX xodimi o‘rtasida janjal" sarlavhasi ostida tarqalgan video yuzasidan Andijon viloyati IIB YHXB mas’ul xodimi tomonidan xizmat tekshiruvi o‘tkazilayotganligi haqida sahifada ma’lumot berilgan edi.

Tekshiruv xulosasiga ko‘ra, fuqaro T.F. haydovchilik huquqidan mahrum etilgan bo‘lsada "Nexia-3" rusumli avtomobilni boshqarganligi hamda fuqaro M.M. mazkur avtomobilni unga boshqarishga topshirganligi bo‘yicha rasmiylashtirilgan ma’muriy bayonnoma asosli deb topildi.

Xizmati davomida, O‘zbekiston Respublikasi Vazirlar Mahkamasining 2018-yil 1-dekabrdagi 975-son qarori bilan tasdiqlangan "Yo‘l-patrul xizmati xodimlarining yo‘l harakati qatnashchilari bilan o‘zaro munosabatlari hamda maxsus moslamalardan foydalanishi tartibi to‘g‘risidagi Nizom" hamda Ichki ishlar vazirining me’yoriy buyrug‘i talablarini buzganligi, shuningdek O‘zbekiston Respublikasiga koronavirusning kirib kelishi va tarqalishini oldini olish bo‘yicha respublika maxsus komissiyasining qarori talablariga zid ravishda, jamoat joyida tibbiy niqob taqmaganligi uchun Andijon viloyati IIB YHXB YPX xodimi D.Qo‘shboyevga "Tanbeh" intizomiy jazosi qo‘llanilishi belgilandi.