Maʼlum qilamizki, haydovchilik guvohnomasini olish uchun imtihonlarning nazariy va amaliy bosqichlari elektron tizim orqali inson omilisiz, toʻliq avtomatlashtirilgan tizimda oʻtkaziladi.
Bugun Toshkent viloyatining Ohangaron tumanida Olmaliq-Toshkent yoʻlining 3 kilometrida “Toshkent viloyati imtihon markazi” ochildi. Ushbu tashkil etilgan imtihon markazida barcha qulayliklar mavjud.
Markazda nazariy imtihonni topshirish uchun nomzodlarga 20 ta savol va 25 daqiqa vaqt ajratiladi. Bunda fuqaro 3 va undan ortiq xatoga yoʻl qoʻysa, imtihondan oʻtmagan hisoblanib, qayta topshirish 7 kundan keyin amalga oshiriladi. Amaliy imtihonlarni nomzod transport vositasini yolgʻiz oʻzi avtomatlashtirilgan avtodromda boshqarib topshiradi. Amaliy imtihon jarayonlari ham toʻliq avtomatlashtirilgan boʻlib, nomzodning transport vositasini boshqarish koʻnikmalari avtomatlashtirilgan tizim orqali baholanib boriladi va jarayon masofadan kuzatiladi hamda tasvirga olinadi.
Mazkur tizimining avtomatlashtirilganligi turli baxsli holatlarni kelib chiqishining oldini oladi.