2021-yil 17-dekabr kuni soat 20:50 larda, Toshkent viloyati, Ohangaron tumanida joylashgan "Chinor" YPX maskanida xizmat olib borayotgan YPX xodimlari tomonidan "Qo‘qon-Toshkent" yo‘nalishida harakatlanib kelayotgan "Cobalt" rusumli avtomobil to‘xtatilib tekshirilganda, yukxonasi va salon qismida 25 ta qutida, xorijiy mamlakatda ishlab chiqarilgan, tegishli hujjatlari bo‘lmagan "konditsioner"lar olib ketilayotganligi aniqlangan.

Tegishli hujjatlar rasmiylashtirilib, haydovchi, 1987-yilda tug‘ilgan J.E hamda aniqlangan vositalar viloyat bojxona boshqarmasi kontrabandaga qarshi kurashish bo‘limiga topshirilgan.