Joriy yilning 23-yanvar kuni soat 13:00dan 26-yanvar kuni soat 24:00ga qadar Poytaxtimizning Mirzo Ulugʻbek tumanidagi “Doʻrmon yoʻli” koʻchasi boʻylab zamonaviy yoʻl yotiq chiziqlarini chizish ishlari olib borilishi munosabati bilan transport vositalarining harakati qisman cheklanishini maʼlum qilamiz.

Poytaxt aholisi va mehmonlari “Mingbuloq” va “Gʻazalkent” koʻchalariga “Temur Malik” koʻchasi orqali borishlari mumkin.

Yuzaga kelgan ayrim noqulayliklar uchun harakat ishtirokchilaridan uzr soʻraymiz.