Avtomototransport vositasini roʻyxatdan oʻtkazish yoki qayta roʻyxatdan oʻtkazish borasida murojaatchilar uchun qulayliklar yaratish, oʻz vaqtida barcha murojaatlar koʻrib chiqilishini taʼminlash maqsadida joriy yilning 17-yanvar kunidan boshlab Toshkent shahrining Mirobod (Uzbum), Chilonzor (Sobir Rahimov) hamda Yunusobod (Gvardeyskiy) tumanlarida joylashgan Roʻyxatdan oʻtkazish boʻlimlarida fuqarolarga xizmat koʻrsatish vaqti soat 09:00dan tungi soat 24:00gacha etib belgilanganligini maʼlum qilamiz.

Fuqarolar ushbu boʻlimlarga yuqorida keltirilgan vaqt oraligʻida bemalol tashrif buyurib, murojaat etishlari mumkin.