IIV JXD YHXX boshlig‘i polkovnik Sherzod Ibragimov murojaat bilan kelgan fuqarolarni qabul qildi.

Qabul davomida YHXX rahbari tomonidan fuqarolarning yo‘l bilan bog‘liq kamchiliklarni bartaraf qilish, harakat xavfsizligini ta’minlashda YPX xodimlari va raqamli texnologiyalar imkoniyatlaridan keng foydalanish, haydovchilarni tayyorlash va qayta tayyorlash faoliyati bilan shug‘ullanuvchi tadbirkorlik sub’yektlarini lisenziyalash singari mavzulardagi murojaatlari atroflicha o‘rganildi.

Murojaatlarning aksariyati shu joyning o‘zida ijobiy hal etilgan bo‘lsa, qo‘shimcha surishtiruvlarni talab etadigan murojaatlar ham shaxsan YHXX boshlig‘ining nazoratiga olinib, qisqa fursatlarda yechim topish yuzasidan mas’ullarga tegishli topshiriqlar berildi.