Joriy yilning 26-27-may kunlari Toshkent shahrida keng miqyosdagi xalqaro tadbirlar oʻtkazilishi hamda ayrim koʻchalarda obodonlashtirish va qurilish-montaj ishlari davom etayotganligi munosabati bilan transport vositalarining harakati vaqtincha cheklanadi.

Zarurat boʻlmaganda haydovchilarga Toshkent shahriga harakatlanmaslikni tavsiya qilamiz.

Maʼlum koʻchalarda transport vositalarining harakatini cheklash boʻyicha zaruriy choralar koʻrilgan vaqtda haydovchilardan tartibga soluvchilarning ishoralariga, yoʻl belgilari hamda chiziqlarning talablariga qatʼiy rioya etishlarini soʻraymiz.

Yuzaga kelishi mumkin boʻlgan ayrim noqulayliklar uchun harakat ishtirokchilaridan uzr soʻraymiz.