YPX xodimlari tomonidan:

- 2022-yil 10-yanvar kuni soat 02:50 larda, Chilonzor tumanida joylashgan “Erkin” YPX maskanida xizmat olib borayotgan YPX xodimlari R.Gafurov va Sh.Xikmatovlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, yoʻlovchisi, 1998-yilda tugʻilgan M.O.ning maʼlumotlari planshet moslamasi yordamida maxsus dastur orqali tekshirilganida, fuqaro M.O. Oʻzbekiston Respublikasi Jinoyat Kodeksining 169-moddasi 1-qismi bilan ayblanib, 2021-yil 18-dekabr kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro M.O. Chilonzor tumani IIO FMBga topshirilgan.

- 2022-yil 10-yanvar kuni soat 12:10 larda, Mirzo Ulugʻbek tumanida xizmat olib borayotgan YPX xodimlari Gʻ.Roʻzmetov va X.Saydazimovlar tomonidan, “T.Malik-Doʻrmon” koʻchalari kesishgan chorrahadan harakatlanib kelayotgan “GAZ-3110” rusumli avtomobil toʻxtatilib, haydovchisi, 1984-yilda tugʻilgan A.M.ning maʼlumotlari planshet moslamasi yordamida, maxsus dastur orqali tekshirilganida, fuqaro A.M. Oʻzbekiston Respublikasi Jinoyat Kodeksining 122-moddasi bilan ayblanib, 2019-yil 23-sentabr kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro A.M. Yashnobod tumani IIO FMBga topshirilgan.