Yo‘l infratuzilmasini yaxshilash, tirbandliklarni oldini olish, harakat ishtirokchilari uchun qulay va xavfsiz sharoit yaratish maqsadida mamlakatimizda qator loyiha va tadbirlar amalga oshirilmoqda. Shu doirada, Toshkent shahrining Yashnobod tumanida KXAY ko‘chasini Maxtumquli ko‘chasiga ulaydigan qo‘shimcha yo‘l tarmog‘ida zamonaviy texnologiyalardan foydalangan holda ta’mirlash ishlari olib borilmoqda.

IIV JXD YHXX boshlig‘i, polkovnik Sherzod Ibragimov obyektda olib borilgan ishlar bilan shaxsan tanishdi. Ta’mirlash jarayoni va yo‘l sifatiga alohida e’tibor qaratib, haydovchilarga maksimal darajada qulay sharoitlar yaratish muhimligini ta’kidladi.

Yangi yo‘l tarmog‘ining foydalanishga topshirilishi nafaqat haydovchilar, balki yo‘lovchilar uchun ham qulaylik yaratib, shahar yo‘l infratuzilmasini yanada rivojlantirish yo‘lidagi yana bir qadam bo‘ladi.