Yo‘l harakati xavfsizligini ta’minlash sohasidagi muammolarni o‘rganish va ularni ilmiy yondashuvlar asosida bartaraf etish, xalqaro tajribalarni o‘zlashtirgan holda tizimda axborot texnologiyalarining o‘rnini kengaytirish, korrupsion omillarga chek qo‘yish maqsadida IIV DYHXXda  “Yo‘l harakatini tashkil etish va harakat xavfsizligini ta’minlash sohasidagi muammolar hamda ularning yechimlari” mavzusidagi I-respublika ilmiy-amaliy anjumani tashkil etildi.

20 ga yaqin olimlar, 10 dan ortiq fan nomzodlari, bu bilan birga ko‘plab soha taraqqiyotini ko‘zlab o‘z taklialari bilan kelgan jami 50 ga yaqin tashabbuskorlarni o‘zida jamlagan ilmiy anjuman boshida YHXX boshlig‘i polkovnik Sherzod Ibragimov so‘z olib avtomobil yo‘llarida sodir etilayotgan YTHlari, ularda vafot etgan yoki tan jarohati olgan insonlar ayniqsa, bu baxtsizliklarning beayb jabrlanuvchisiga aylanib qolayotgan bolalar ishtirokidagi holatlarning oldini olish borasida birdirilgan har bir fikr ushbu anjumanda yuksak qadrlanishi hamda dolzarbligini bildirib o‘tdi.

Shundan so‘ng, huquqni muhofaza qilish organlari, oliy ta’lim muassasalarining professor ustozlari va boshqa tashkilotlardan kelgan ishtirokchilarning mavzu doirasidagi ma’ruzalar birma bir tinglanib, mas’ul xodimlar tomonidan qayd etib borildi.

Anjumanning ikkinchi bosqichi savol-javob tarzida kechib, unda yig‘ilganlarning YTHlarining oldini olish borasida sohada amalga oshirilayotgan ishlar, istiqboldagi rejalar doirasidagi savollariga ilmiy asoslangan javoblar berilib, amalga oshirilishi dolzarb bo‘lgan chora-tadbirlar borasidagi bahslarga kirishildi.

Anjuman so‘ngida ishtirokchilar YHXXda yangidan xizmatni boshlagan xodimlarni o‘qitish, ularni soha foydalanilayotgan zamonaviy axborot texnologiyalari bilan yaqindan tanishtirish, o‘z kasbining profissionali qilib tayyorlash va qayta tayyorlash maqsadida tashkil etilgan imkoniyatlari shuningdek, YPX xodimlarining YTH sodir etilganda jabrlanuvchiga birinchi yordam ko‘rsatish, hodisani rasmiytashtirish, maslik holatini aniqlash, tirbandliklarni bartaraf etish vazifalarini bajaruvchi zarur texnik vositalar bilan johozlangan xizmat avtomashinalari bilan tanishishdi.

Anjuman yakunida ishtirokchilarga YHXX boshlig‘ining tashukkurnomalari tantanali ravishda topshirildi.