Ijtimoiy tarmoqda "Saqolga yopishadigan GAI xodimi" sarlavhasi ostida tarqalgan video yuzasidan ma’lumot
Joriy yilning 22-sentabr kuni Jizzax viloyati, Jizzax shahar, Sharof Rashidov shox ko‘chasida xizmat olib borayotgan YPX inspektori M.Umarov tomonidan "Mercedes-Benz" rusumli avtomobil to‘xtatilgan. O‘zaro suhbat davomida YPX inspektori haydovchining saqoliga e’tiroz bildirganligi videoda aks etgan.
Mazkur holat yuzasidan Jizzax viloyati IIB YHXB tomonidan xizmat tekshiruvi o‘tkazilib, xodimning xatti-harakatiga huquqiy baho beriladi.