Jizzax viloyati, Zomin tumanidan oʻtuvchi xalqaro ahamiyatdagi A-376 avtomobil yoʻlida joylashgan “Yakkabogʻ-15” muntazam YPX maskanidan katta hajmdagi yuk ortilgan transport vositasi harakatlanib oʻtayotgan vaqtda mazkur jarayon atrofdagi fuqarolar tomonidan tasvirga olingan. Ushbu video tarmoqlarda goʻyoki yukning tepa qismi YPX maskanidagi ustunga tegib qolganligi haqidagi izohlar bilan tarqatilgan.

Mazkur xabarlar asossiz boʻlib, katta hajmdagi yuk ortilgan transport vositasi ushbu YPX maskanidan harakat xavfsizligi taʼminlangan holda, masʼul xodimlarning nazorati ostida ehtiyotkorlik bilan olib oʻtilgan.

Oʻtish jarayonida atrofdagi biron jihoz yoki ortilgan yukka ziyon yetmagan.

Ijtimoiy tarmoqdagi ayrim sahifa egalaridan har qanday holat va jarayon toʻgʻrisida asosli va toʻliq maʼlumotga ega boʻlmay turib, turli izohlar bilan tarqatmasliklarini soʻraymiz.