Ijtimoiy tarmoqda “Nexia” rusumli, 10P865LA davlat raqam belgili avtomobil haydovchisi qoidalarni chetlab oʻtgan holda, transport vositasiga ruxsat etilmagan yalt-yalt yonuvchi mayoqcha oʻrnatganligi aks etgan video tarqaldi.

Video yuzasidan Toshkent viloyati IIBB YHXB xodimlari tomonidan surishtiruv olib borilib, ushbu “Nexia” rusumli, 10P865LA davlat raqam belgili avtomobil haydovchisi, 2002-yilda tugʻilgan I.O. ga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 127-moddasi ikkinchi qismi tartibida bayonnoma tuzilib, avtomobil vaqtincha saqlash uchun jarima maydoniga qoʻyildi.

Barcha haydovchilardan qoidalarga rioya qilishlarini soʻraymiz.