2022-yil 05-iyundan 06-iyunga oʻtar kechasi soat 00:15 larda Sirdaryo viloyati Sirdaryo tumani “Islomobod” MFY hududidan oʻtuvchi “Termiz-Toshkent” yoʻnalishidagi M34 avtomobil yoʻlining 87-88 kilometridagi taʼmirlanayotgan koʻprik ustida, haydovchi 1994-yilda tugʻilgan Surxondaryo viloyati Denov tumanida yashovchi X.S. shaxsiy “Mersedes Bens” rusumli yuk avtomobilining nosozligi tufayli majburiy toʻxtab qolganligi oqibatida yoʻl yopilib, ushbu yoʻnalishda sunʼiy tirbandlik sodir boʻlgan.
Tirbandlikni bartaraf etish maqsadida transportlar harakati Sayxunobod tumanidan oʻtuvchi mahalliy ichki yoʻldan tashkil qilingan.

M34 yoʻlining 88- kilometrida yuzaga kelgan sunʼiy tirbandlik bugun soat 02:45 larda bartaraf etilib, avtomashinalar qatnovi yoʻlga qoʻyilgan.

Eslatib oʻtamiz: ushbu hududda 13-may kunidan boshlab taʼmirlash ishlari olib borilmoqda.