Joriy yilning 26-may kuni ijtimoiy tarmoqlarda tarqalgan toʻy marosimida ikkita “Lasetti” rusumli avtomashinalar bir-biri bilan yoʻl talashib, toʻqnashib harakatlangan holat yuzasidan surishtiruv ishlari olib borildi.
Olib borilgan surishtiruv natijasida Nukus shahri "Rejissyorlar" koʻchasida yashovchi fuqaro A.J. va Chimboy tumani "Paraxatshilik" koʻchasida yashovchi fuqaro B.R. oʻzlariga tegishli boʻlgan "Lasetti" rusumli avtomashinalarida toʻy kartejida guruh boʻlib harakatlanib Nukus shahri "P.Seytov" koʻchasida qoʻpol qoidabuzarlik qilib bir-biri bilan yoʻl talashib toʻqnashib harakatlangan.
Holat yuzasidan har ikkala avtomashina haydovchilariga nisbatan Oʻzbekiston Respublikasi Maʼmuriy javobgarlik toʻgʻrisidagi kodeksining 129-moddasi bilan bayonnoma rasmiylashtirilib vaqtinchalik saqlash uchun jarima maydoniga qoʻyildi.