2022-yilning 06-iyun kuni M41 xalqaro avtomobil yoʻlining Surxondaryo viloyati Denov tumani “Lochin” mahallasi hududidan oʻtuvchi qismida “Sobalt” rusumli, tezlikni aniqlovchi moslama bilan jihozlangan avtomashinada xizmat olib borayotgan Surxondaryo viloyati IIB JXX YHXB xodimi safdor Sh.J. Jalmatovning xizmat olib borayotgan vaqtida shu tumanda yashovchi fuqaro A.X. oʻzining boshqaruvida boʻlgan “Nexia” rusumli avtomashina bilan yoʻlning qarama-qarshi boʻlagidan harakatlanib kelib, safdor Sh.J. Jalmatovni har xil uyatli soʻzlar bilan haqoratlab, uning yaqin qarindoshlari nomiga tuhmat qilib, holatni oʻzining mobil telefoni orqali tasvirga olib, ijtimoiy tarmoqlarga tarqatgan. Ushbu holat yuzasidan xodimning bildirgisiga asosan Surxondaryo viloyati IIB JXX YHXB va Denov tumani IIB xodimlari tomonidan olib borilgan tezkor choralar natijasida haydovchi A.X. Denov tumani hududida ushlanib, hozirda tergovga qadar surishtiruv ishlari olib borilmoqda.
Tergov yakuni boʻyicha qoʻshimcha maʼlumot beriladi.