Ijtimoiy tarmoqda tarqalgan, harakat vaqtida "Spark" avtomobili oynasidan chiqib salomatligini xavfga qo‘ygan yo‘lovchiga chora ko‘rildi
Ijtimoiy tarmoqda "Bizning fotograflar oldida gollivud kaskadyorlari hijolat" izohi bilan video tarqalib keng muhokamalarga sabab bo‘ldi.
Videoda yo‘lovchi o‘z salomatligini xavf ostiga qo‘ygan holda harakat vaqtida "Spark" rusumli avtomobil salonidan chiqib olganligi aks etgan.
Video Toshkent shahar IIBB YHXB xodimlari tomonidan o‘rganilganda, ushbu holat 2021 yil 5 oktyabr kuni soat 16:30 larda, Yangihayot tumani hududida sodir bo‘lganligi aniqlandi. Yo‘lovchi sifatida qoidani buzgan, 1999 yilda tug‘ilgan M. M. ga nisbatan O‘zbekiston Respublikasi Ma’muriy javobgarlik to‘g‘risidagi Kodeksning 138-moddasi to‘rtinchi qismi tartibida bayonnoma rasmiylashtirildi.
Operatorlik faoliyati bilan shug‘ullanuvchi fuqarolardan eng avvalo o‘z salomatliklarini xavf ostiga qo‘ymasliklarini, qoidalarga rioya qilishlarini so‘raymiz.