Joriy yilning 18-iyun kuni soat 18:30 larda, Yangihayot tumanida joylashgan “Yangihayot” blok-postida xizmat olib borayotgan YPX inspektori kichik serjant M.Tojiboyev, safdor R.Ismatov va kinologiya xizmati xodimi safdor O.Teshaboyevlar tomonidan, Toshkent viloyati hududidan, Toshkent shahri hududiga harakatlanib kirib kelayotgan “Tracker” rusumli avtomobil toʻxtatilib tekshirib koʻrilganda, ushbu avtomobil haydovchisi: 1984-yilda tugʻilgan, Toshkent shahar, Shayxontohur tumanida yashovchi R.A. boshqargan avtomashina orqa oʻrindigʻidagi barsetka ichidan 5 ming soʻmlik pul kupyurasiga oʻralgan va qora rangli sellofanga solingan, jigar rangli, oʻtkir hidli, saqichsimon moddalar topilib, xolislar ishtirokida olingan.
Mazkur holat yuzasidan tegishli hujjatlar rasmiylashtirilib, haydovchi R.A. Yangihayot tumani IIO FMBga topshirilgan.