Bugun, 2022-yil 13-yanvar kuni Toshkent shahar IIBB YHXB yoʻl-patrul xizmati sohasiga qabul qilingan yosh xodimlar tizimdagi yoʻnalishlar va ish jarayonlari bilan tanishdilar.

Xodimlar Yunusobod tumanida joylashgan 2-sonli Roʻyxatdan oʻtkazish va imtihon olish boʻlimiga tashrif buyurib, qizgʻin ish jarayonlarini kuzatishdi va boʻlim xodimlarining faoliyati bilan atroflicha tanishdilar.

Shuningdek, yosh xodimlar Temuriylar tarixi davlat muzeyida boʻlib, buyuk ajdodlarimiz va ularning faoliyati haqidagi qiziqarli maʼlumotlarga ega boʻldilar. Ushbu kichik sayohatlar xodimlarga har tomonlama maʼnaviy ozuqa berish barobarida ularning bilim va malakasini oshirish yoʻlida xizmat qiladi.